عربيتك بتطلع صوت غريب؟ اعرف معنى أصوات الصفير، الطحن، التكتكة، الطنين والخبط، وإمتى يكون الأفضل إنك تكشف على عربيتك.

عربيتك طبعًا مش بتتكلم، لكن عندها طرق كتير تقولك إن في حاجة محتاجة فحص!

ممكن تسمع صفارة جديدة وإنت بتدوس فرامل، أو تكتكة وإنت بتلف الدركسيون، أو صوت زن غريب وإنت سايق. مش معنى كده إن العربية محتاجة فورًا إصلاح مكلف، لكن أي صوت جديد أو مستمر يستاهل إنك تاخد بالك منه، خصوصًا لو ظهر معاه تغيير في الفرامل، التوجيه، طريقة سواقة العربية، أو لمبة تحذير في التابلوه.

معرفة الأصوات المختلفة ممكن تساعدك تلاحظ المشكلة بدري. تعالوا نعرف ايه اهم الأصوات دي:

١. صوت صفير أو صرير:

لو الصوت بيظهر وإنت بتفرمل، فمن الأفضل فحص نظام الفرامل. في بعض الحالات، ممكن يكون السبب تآكل تيل الفرامل أو أحد مكونات نظام الفرامل، حسب نوع العربية وظروف الاستخدام. والصفير ممكن كمان يكون مرتبطًا بالسير أو بعض الأجزاء المتحركة.

٢.  صوت طحن:

لو سمعت صوت طحن ومعاه ضعف في أداء الفرامل، مشكلة في التوجيه، أو أي علامة مرتبطة بالسلامة، الأفضل تكشف على العربية في أسرع وقت.

٣، تكتكة أو صوت: Tick

لو بتسمع تكتكة وإنت بتلف، بتسرّع، أو حتى وقت تشغيل العربية، السبب المحتمل بيختلف حسب توقيت ظهور الصوت، وممكن يكون مرتبطًا بأجزاء في المحرك أو مجموعة نقل الحركة. حاول تسجل الصوت، ولاحظ إذا كان بيتغير مع:

السرعة

لف الدركسيون

التسارع

المعلومات دي هتساعد الفني يفهم المشكلة بشكل أفضل.

٤.  صوت طنين أو أزيز:

الصوت ده ممكن يكون مرتبطًا بالإطارات، أجزاء العجل، مجموعة نقل الحركة، أو مكونات تانية. لاحظ هل الصوت بيتغير لما:

تسرّع

ترفع رجلك من البنزين

تلف يمين أو شمال

تمشي على طرق أو أسطح مختلفة

٥. خبط أو طرق:

لو بتسمع صوت خبط وإنت معدي على مطبات، أو في أوقات معينة أثناء التوجيه، ممكن يكون في جزء أو أكتر في نظام التعليق أو التوجيه محتاج فحص. نظام التعليق فيه أجزاء كتير متصلة ببعض، وبالتالي نفس الصوت ممكن يكون له أكتر من سبب.

متستناش الصوت يزيد!

غلط شائع إن السواق يفضل مستني لحد ما الصوت يبقى مزعج جدًا قبل ما يتحرك. المشكلة الصغيرة ممكن تتطور لو جزء تالف أو مستهلك استمر في العمل لفترة طويلة.

مش لازم تقلق من أول صوت غريب، لكن متتجاهلوش. سجل إمتى الصوت بيظهر، وهل بيزيد مع الوقت، وهل في أعراض تانية بتظهر معاه.

خليك دايمًا واخد بالك من أي تغيير غير طبيعي في عربيتك، ولما تحتاج تغيير قطعة، اتأكد إنها مناسبة تمامًا لموديل عربيتك.

زور ReadyCar علشان تلاقي قطع غيار وإكسسوارات أكتر، وكمان نصائح مفيدة للقيادة والصيانة على طرق مصر!